Yuxuda müharibə görmək

Bildiyimiz kimi, bır sıra ölkələr arasında müharibələr və münaqişələr hələ də davam edir. Rusiya-Ukrayna müharibəsi bitmək əvəzinə, daha gərginləşir, yaxın Şərqdə isə İsrail-Fələstin müharibəsi üçüncü dünya müharibəsinin qapılarını açır. Bu baxımdan dünyada baş verən proseslər yuxularımızdan yan keçmir.

Yuxuda.az saytı yuxuda müharibə görməyin mənalarını sizlərə təqdim edir.

Yuxuda müharibə görmək

Yuxuda müharibə və baş verənləri görməyin mənaları dərindir. Bir şəxs yuxusunda düşmənlə döyüşə getdiyini görsə, bu ailəsində dindar birinin olmasına dəlalət edir. Yuxuda bir xalqın başqa bir xalq ilə döyüşdüyünü görmək, insanların yaşadığı məmləkətə sülh və əmin-amanlığın gələcəyindən xəbər verir. Cəmiyyətdə yaşayan bütün fərdlər bir-biri ilə sülh və barışıq içərisində yaşacaq. Əgər xalq ölkə başçısına qarşı üsyan yaxud müharibəyə başlayıbsa, bu yuxu ölkədə inflyasiyanın azalacağına və insanların alıcılıq qabiliyyətinin artmasına, onların bolluq və firavanlıq içində yaşayacaqlarına işarədir.

Yuxuda müharibənin başladığını görmək

Bu yuxu bir insanın sevdiyi adamın dünyasını dəyişdiyinə, həyatını məqsədsiz və boş yerə keçirməsinə dəlalət edir. Yuxu həmin insan üçün maddi sıxıntılara, evdəki neqativlərə, xəstəliklərin baş verməsinə, ətrafda ona qarşı pis münasibət bəsləyən birinin olmasına işarə edir. Həmçinin insanın uzun səfərə çıxacağına, ruzisinin dalınca düşəcəyinə, yaxınlarından yaxud ailəsindən ayrılacağına, ölkədə maddi çətinliklərin olacağına dair xəbər verir.

Yuxuda müharibədən qaçmaq

Yuxuda müharibədən qaçmaq insanın acizliyindən xəbər verir. İnsan bu acizlik içində qıvrılır və çarə tapa bilmir, işdə üzərinə düşən vəzifələrin bir qismini başqalarına tapşırıb atmağa çalışır. Yuxunu görən insan yaşadığı haqsızlıqlara qarşı mübarizə apara bilmir və bu şəkildə həyatına davam edir. Yuxuda müharibədən qaçan insanın nüfuzu real həyata aşağı düşə bilər. Ona qarşı ətafadkılar tərəfindən mənfi münasibət formalaşa bilər. Həmin şəxs bəzi yanlış qərarlarına görə cavablar alacaq və bunun nəticəsi onun üçün ağır ola bilər. Şəxsin sosial həyatında çətinliklər yaranacaq. Bu uxnu görənlər daha sonra səhvlərini sonradan anlasa belə, bu onlar üçün çox gec olacaq.

Yuxuda müharibədə qalib gəlmək

Bu yuxunu görən insanların həyatı qaydasına düşəcək, yaşadığı bütün bədbəxtliklərdən qurtulacaq. Yuxu görənin ürəyi təskinlik tapacaq və xoşbəxt həyat quracaqdır. Ekspertlərin fikrincə, yuxunu görənlər real həyatda başqaları ilə bayram edəcək. Yuxunun mənası odur ki, şəxsin xəstəsi varsa sağalacaq, yaxın zamanda isə xoş xəbərlər eşidəcək. İnsanların bütün probleemləri həll olunacaq və rahatlığa qovuşacaqlar.

Yuxuda müharibədə düşmənə əsir düşmək

Sözügedən yuxu çox da uğurlu deyil. Yuxuda əsir düşmək, insanın müharibənin pəncəsinə düşəcəyinə işarədir. Dostla düşməni ayırd edəcəyiniz və çox vacib vəziyyətlərin ortaya çıxacağı ilə bağlı xəbərdarlıqlar edilir. Bu hal gələcəkdə baş verə biləcək hadisələrdən xəbər verir. Bəzi ekspertlər isə yuxunu fərqli yozurlar. Onların fikrincə, yuxusunda döyüşərkən özünü əsir görən hər kəs real həyatda nüfuz qazanar. Deyilənə görə, yuxu real həyatda bir-birinin ardınca xeyirli hadisələrin baş verəcəyinə işarə edir. Yuxunu görən insanlar subay olarsa evlənəcək və qız övladı olacaq. Yuxusunda əsirlikdən qurtulduğunu görən insanın iş həyatında yüksəliş olacaq.

Yuxuda müharibədə ölmək

Bu o deməkdir ki, insan ən həssas olduğu bir zamanda gələcək xəbərdən çox sevinəcək. Həmin şəxs baş verənlərdən heyrətə gələcək və həyatında olan çox şeyi qaydasına düşəcək. Əlbəttə ki, bu yuxu ilə bağlı fərqli mənalarda mövcuddur. Yuxuda bir insanın müharibədə öldüyünü görmək yuxu görənin itki ilə üzləşəcəyinə işarə edir. Xüsusən də bu adam xoşbəxt münasibətdədirsə, bu, əlaqənin sonu kimi şərh olunur. Bu yuxu həm də ailə üzvünün uzaq bir yerdə məskunlaşmasına yozulur. Ümumiyyətlə, yuxu alimlərinin izahı budur ki, yuxu görən şəxs onu kədərləndirəcək xəbər alır.