Ayın işığı yuxularımızı necə dəyişdirir?

Ayın yuxumuza təsiri tarixən bir çox mədəniyyətdə diqqətlə müşahidə olunan mövzu olmuşdur. Ayın, xüsusən də tam ayın insan davranışına və psixologiyasına əhəmiyyətli təsirləri olduğuna dair bir çox miflər vardır. Müasir elm göstərir ki, bu təsirlər daha mürəkkəbdir. Bu, çox vaxt şəxsi, ətraf mühit amillərindən asılı olaraq dəyişir. Buna baxmayaraq, ayın fazalarının, xüsusən də tam ayın yuxu keyfiyyətinə təsiri ilə bağlı bəzi elmi sübutlar mövcuddur. Yuxuda.az saytı maraqlı araşdırmanı sizlərə təqdim edir.

Ayın fazalarının yuxuya təsiri nədən ibarətdir?

Ayın fazalarının yuxuya təsiri çox vaxt tam ayla əlaqələndirilir. Tam ay, ayın ən parlaq olduğu və gecəni ən çox işıqlandırdığı mərhələdir. Bu dövrdə bəzi insanlar yuxu keyfiyyətinin azaldığını, yuxuya getmənin çətinləşdiyini deyir. Eyni zamanda, gecə boyu daha tez-tez oyanmaların olduğunu diqqətə çatdırırlar.

Tam ay zamanı ayın işığı gecəni işıqlandırır, ətrafdakı qaranlığı qismən azalda bilir. Bu, yuxuya getməkdə çətinlik çəkməyə, daha tez-tez oyanmağa səbəb ola bilər. Çünki qaranlıq hormon istehsalını artıraraq yuxuya getməyi asanlaşdıran faktor kimi tanınır. Ayın parlaq işığı bu bioloji prosesə mane ola bilər.

Ayın digər fazalarında ətraf qaranlığa qərq olur. Bu da yuxu keyfiyyətini yaxşılaşdıra bilər. Daha dərin yuxuya keçid gecə ərzində ayın bu görünüşü baş verə bilir. Çünki qaranlıq mühit melatonin istehsalını təbii olaraq artırmağa imkan verir. Bu, xüsusilə yuxuya getməkdə çətinlik çəkən insanlar üçün faydalıdır. Ancaq bu təsir həmişə hamıya aid olmaya bilər. Çünki hər bir fərdin bioloji ritmi fərqlidir.

Yuxu görmə və ona ayın təsiri

Ayın fazaları yalnız yuxu keyfiyyətinə deyil, həm də yuxunun görməyinizə belə təsir edə bilər. Bir çox insanlar tam ay dövrlərində maraqlı yuxular gördüklərini iddia edirlər. Bu, ayın güclü işığının bioloji ritmlərə təsir edərək yuxu dövrünü dəyişdirməsi ilə əlaqələndirilir.

Ekspertlər tam ayın insanın yuxu görmə prosesini artıra biləcəyini deyirlər. Ayın işığı psixoloji cəhətdən daha ayıq və oyanmağa daha yaxın olan məqamlar yarada bilər. Bu, yuxuda sərf olunan vaxtı daha aydın edir. Bütün bunlar yuxuların daha canlı, yaddaqalan olmasına səbəb ola bilər.

Yuxuların görülməsi və onların məzmunu təkcə ayın fazalarından deyil, həm də şəxsi amillərdən asılıdır. Məsələn, stress səviyyəsi, emosional vəziyyət və ümumi sağlamlıq yuxuya birbaşa təsir edə bilər. Bəzi insanlar tam ay dövrlərində daha çox yuxu görürlər. Amma bu təsir hər kəsdə eyni şəkildə müşahidə olunmur.

Ayın insanlara təsiri ətraf mühit və fərdi amillərdən asılır

Elmi məlumatlar ayın fazalarının yuxuya təsiri ilə bağlı dəqiq bir nəticə əldə edə bilmir. Tam ayın yuxu pozğunluğuna səbəb ola biləcəyi və bəzi fərdlərdə yuxu görmə potensialını artırdığı müşahidə edilib. Burada ətraf mühit faktorları, fərdi vərdişlər və psixoloji vəziyyətlər də mühüm rol oynayır.

Ay fazalarının təsiri şəxsiin həyat tərzinə və psixoloji amillərə görə dəyişə bilər. Məsələn, tam ayın parlaq işığı şəhərdə yaşayan bir insana daha çox təsir edir. Amma kənd yerlərində çox az effekti olduğu diqqətə çatdırılır.