Yuxusuz olduğumuz zaman yaranan mistik güclərimiz: Nələri bacarırıq?

Yuxusuzluq bir çoxumuzun yaşadığı bir haldır. İnsan bədəni və zehni adətən yuxusuz bir neçə gündən sonra qeyri-adi vəziyyətdə olur. Xüsusilə də bu yuxusuzluq bizi gecəni səhərə qədər oyaq keçirməyə məcbur edirsə mənzərə bir qədər dəyişə bilir. Yuxusuz olduğumuz zaman ortaya çıxan "super güclər" deyə bir anlayış var. Onlar bəzən sevincli, bəzən də bir az qəribə ola bilir. Yuxusuzluqla gələn əyləncəli və bəzən absurd vəziyyətləri kəşf etmək üçün yuxuda.az saytı maraqlı araşdırmanı siz oxucuların diqqətinə çatdırır.

Bir anda gələn yaradıcılıq krizləri

Yuxusuz olduğumuz zaman beynimiz "normal" düşünmə proseslərindən kənara çıxır. Bu zaman ez-tez kreativ, lakin bir qədər absurd fikirlərlə özünü göstərir. Belə hallarda adi bir həll əvəzinə ağlımıza gələn ən maraqlı və gülməli variantları alternativ çıxış olaraq qəbul edirik. Məsələn, qəfildən nahar əvəzinə dondurma yemək, kafedə təsadüfən bütün sifarişləri qarışdırmaq, "hər halda mən bunu istəyirdim" deyərək sevinclə vəziyyəti sevinclə qarşılamaq bunlara daxildir.

Qəfildən şair olmaq

Yuxusuz olanda sözlərimiz başqa məna verməyə başlayır. Dərin fikrə gedərkən, əvvəlkindən daha çox "poetik" tərzdə danışmağa başlayırsan. Bir neçə saatlıq yuxusuzluqdan sonra siz gündəlik işləri şeir kimi gülməli şəkildə təsvir etməyə çalışırsırsınız. Məsələn, bir stəkandakı suyu, gün batımında olan buludları yaxud çiçəyin yarpaqlarını dərindən bənzətmələrlə ifadə edə bilirsiniz. Sonra bu fikirləri başqalarına deyəndə qarşındakı insan sənə qəribə baxa bilər. Amma sən özünü bu zaman çox özəl biri kimi hiss edirsən.

Hekayələr və görüntülərdən olan gizli mesajları tapmaq

Yuxusuzluğun başqa bir əyləncəli əlaməti, adətən fikir vermədiyiniz şeylərə diqqət yetirməyinizdir. Xüsusilə bir film və ya seriala baxdığınız zaman bir anda gizli mesajlar və simvollar axtarmağa başlayırsınız. Əbəttə ki, bu kitablarda olan hekayələr üçün də keçərlidir. Televiziya şousunda personajın üz ifadəsi və ya arxa planda olan obyekt sizə bütün prosesi başa düşdüyünüz hissini yarada bilir. O anda beyniniz hər şeyi bir-birinə bağlı olaraq görür. Amma ertəsi gün yuxusuzluqdan qurtulanda araşdırdıqlarınızın əslində heç bir mənası olmadığını anlayırsınız.

Bütün dünyanı tənqid etmək ehtiyacı duyuruq

Yuxusuzluq insanın dünyaya baxışını bir qədər dəyişə bilər. Bir neçə yuxusuz gecədən sonra hər şeyin səhv olduğunu düşünürük. Ətrafınızdakı hər şeyin əskik olduğunu hiss edirsiniz. Bütün bu tənqidlər və narahatlıqlar bəzən gülməli ola bilir. Çünki o anlarda hətta kiçik bir xəta belə sizə böyük dünya problemi kimi görünür. Məsələn, səhər işə gedərkən hər kəsin yol hərəkətində sürət həddini pozduğunu düşünüb səyahət zamanı özünüzü yol polisi kimi təsəvvür edə bilirsiniz.

Gülməli zarafatlar və mənasız cümlələr

Yuxusuz olanda dil və sözlər bəzən bir araya toplanmır. Özünüzü izah etməyə çalışarkən sözlər birdən səhv çıxır və qarışa bilir. O an nə demək istədiyinizi heç kim başa düşə bilməz. Ancaq özünüzə gülərək "nə gülməli şey dedim" deyə fikirləşməyə başlayırsınız. Bu anlar, müəyyən mənada, yuxusuzluğun qeyri-adi iradəsi kimidir.

Ciddi qərarlarla belə zarafat etmək

Yuxunun olmaması sizin ciddiliyinizi itməsinə səbəb olur. Vacib bir məsələni müzakirə edərkən yaxud qərar qəbul etməli olduğunuz zaman tamamilə mənasız bir zarafat edə bilərsiniz. İş prosesində baş vermiş bir krizi belə zarafata salmaq çox qəribə qarşılana bilər. Əlbəttə ki, siz bunun fərqində belə olmursunuz.

Sonsuz bir enerji partlaması

Yuxusuz olduğunuz zaman hər şey bir anda qarışa bilər. Yorğun olsanız da, birdən enerjiniz tükənməmiş kimi davranmağa başlayırsınız. Buna nümunə olaraq, gecə yarısı mətbəxdə rəqs etməyə başlayırsınız və ya sadəcə söhbət etmək üçün saatlarla gözlərinizi yummursunuz. Yuxunun olmaması ilə birləşən enerjiniz həm əyləncəli, həm də bir az qəribə ola bilər.

Yekun olaraq, yuxusuzluq bəzən şüurumuzda əyləncəli, gülməli və qəribə bir xatirənin yaranmağına səbəb ola bilər. Bütün bu "super güclər" əslində beyin yorğunluğu ilə qarışan əyləncəli reaksiyalardır. Təbii ki, yuxusuzluq uzun müddət davam etdikdə pis nəticələr verə bilər. Amma baş verəcəklərə nəzərə alaraq normal yuxu rejiminə əməl etməyi unutmayaq.