Yuxuya gedən zaman xəyal quraq yoxsa düşüncələri uzaqlaşdıraq?

Yuxuya getmək bir çox insan üçün mənəvi istirahətdir. Ancaq günün dayanmadan işləyən zehinlər yuxuya getməyi çətinləşdirə bilər. Yuxuya gedəndə zehni necə sakitləşdirdiyimiz yuxu keyfiyyətiinə birbaşa təsir edir. Bu nöqtədə iki fərqli yanaşma önə çıxır: xəyal qurmaq və fikirləri sərbəst buraxmaq. Bəs hansı daha yaxşıdır? Hansı üsul yuxuya getməyi asanlaşdırır? Yuxuda.az sautı hər iki üsulu nəzərdən keçirərək, hansının daha faydalı ola biləcəyinə dair variantları təqdim edir.

Xəyal qurmağın yuxuya təsiri

Xəyal qurmaq çox vaxt zehnimizi yaradıcı şəkildə cəlb etmək deməkdir. Bu üsula meyil edənlər bir növ ruhi baxımdan qaçaraq gündəlik qayğılardan uzaqlaşırlar. İnsan yuxu görərkən adətən fantastik ssenari yaradlr. Məsələn, tropik bir adada tətil etmək, sevdiyiniz insanla vaxt keçirmək və ya uzun müddətdir ziyarət etmək istədiyiniz bir şəhəri yaşamaq bunlara aiddir. Xəyal qurmağın yuxuya getməyə təsiri zehni rahatlaşdırmaq, narahatlığı azaltmaq və yatmazdan əvvəl istirahəti tənzimləməkdir.

Xəyal qurmağın üsünlükləri

Zehni qaçış və rahatlıq - Gündəlik həyatın stresindən, narahatlığından və ya mənfi düşüncələrindən uzaqlaşmaq üçün xəyal qurmaq zehni baxımdan dincəlməyə imkan verir. Xəyallar dünyasında itmək fiziki istirahətlə birləşir. Bu zaman yuxuya keçid daha asan olur.

Yaradıcılıq və Nəzarət - Xəyal qurarkən beyin xüsusi bir mövzuya yönəlir. Bu, insanı təhlükəsiz hiss etdirir və stressi azaldır. Çünki xəyal qurarkən insan öz fikirlərini müəyyən qədər idarə edə bilir.

Pozitiv Düşüncələr - Beyni müsbət ssenarilərlə məşğul etmək müsbət emosiyaların yaranmasına təkan verir. Bu, yuxuya getməyi asanlaşdıran amillərdəndir.

Bununla belə, xəyal qurmağın mənfi tərəfləri də ola bilər. Bir insan yuxuda itibsə və bu yuxu davamlı olaraq inkişaf edirsə vəziyyət bir qədər mürəkkəbləşir. Yuxuya getmə vaxtı daha uzun çəkə bilər. Yuxu görmə prosesi daha çox zehni fəaliyyətə çevrilir. İnsan yuxuya getməkdə çətinlik yaşayır.

Fikirləri sərbəst buraxmaq zehni dincəltməyin bir yoludur

Fikirləri azad etmək, zehnin təbii şəkildə axmasına imkan vermək deməkdir. Bu üsulda insan ağlına gələn hər fikri mühakimə etmədən qəbul edir. Beləliklə, ona qarşı reaksiya vermir. Düşüncələri sərbəst
buraxmaq bir çox insan üçün rahatlıq ola bilər.

Psixi Təmizləmə - ağlına gələn hər düşüncəni qəbul edib bir kənara atmaq bir növ zehni detoks effekti yarada bilər. Psixi təmizləmə narahatlıqlardan, keçmiş və ya gələcək darıxdırıcı fikirlərdən qurtulmaq zehni azad etməyə imkan verir.

Fiziki Rahatlıq - bədəni rahatlamağa kömək edə bilər. Çünki zehin nə qədər çox stimula diqqət yetirirsə, bədən bir o qədər gərginlik yarada bilir. Düşüncələri sərbəst buraxmaq da fiziki rahatlamağa səbəb olur.

Şüurlu fərqindəlik- Bu üsul ümumiyyətlə meditasiya texnikaları zamanı istifadə olunur. Sadəcə onları izləməklə zehnin düşüncələr arasında dolaşmasına icazə vermək kifayətdir. Bu, ruh və bədən arasında dərin bir əmin-amanlıq yarada bilər.

Hansı daha rahatdır?

Hər iki üsul insanları müxtəlif cür rahatlaşdıra bilər. Lakin hansı metodun daha təsirli olması şəxsi üstünlüklərdən, psixi vəziyyətimizdən və əhvalımızdan asılıdır. Bəzi insanlar üçün xəyal qurmaq bir qaçış forması ola bilər. Bu da onların zehnini rahatlaşdırarkən yuxuya getməsini əlçatan edir. Digərləri zehni sakitləşdirmək üçün daha passiv yanaşmaya üstünlük verir və fikirlərini sərbəst buraxmağı daha faydalı hesab edir.

Xəyal qurmaqla fərqli məqamlar mövcuddur. İnsan stresli və ya narahat olarsa, yuxu görərək fikirlərini aydınlaşdırır. Yuxularda müsbət, təsəlliverici ssenarilər yaratmaq narahatlıq və gərginliyi aradan qaldıra bilir. Əgər yaradıcı insansınızsa, xəyal qurmaq sizin üçün daha rahat ola bilər. Çünki diqqəti cəmləmək və fikrinizi müəyyən bir mövzuya yönəltmək yuxuya getməyi asanlaşdıra bilər.

Fikirlərdən azad olmağa diqqət yetirək. Beyninizdə daimi olaraq yığılan fikir varsa, onları sərbəst buraxmaq daha faydalıdır. Zehninizin təbii şəkildə axmasına icazə vermək xarici düşüncələrin və narahatlıqların şəffaf şəkildə yox olmasına səbəb olur. Meditasiya yaxud onun texnikaları ilə uyğun gələn bu üsul zehnin tamamilə boşalmasına, dincəlməsinə və dinclik tapmasına kömək edə bilər.

Seçim şəxsi üstünlüklərdən asılı olaraq dəyişir

Nəticə etibarilə, yuxuya getdiyiniz zaman xəyal qurmaq və düşüncələri buraxmaq, insanların müxtəlif ehtiyaclarından asılı olaraq rahatlamağa səbəb olur. Xəyal qurmaq aktiv zehni məşğulluğu təmin edir və insanı reallıqdan uzaqlaşdırır. Düşüncələrin sərbəst buraxılması daha passiv bir yol izləyir və zehnin təbii ritminə əməl edərək istirahəti təmin edir.

Ən yaxşı yol hər iki üsulu sınamaq və hansının sizə daha çox rahatlıq verdiyini tapmaqdır. Bəzi gecələr yuxu görüb, digər gecələrdə düşüncələrinizi sərbəst buraxaraq daha dinc yuxuya nail ola bilərsiniz.